नयाँ दिल्ली । आफ्ना नेताको गिरफ्तारीको विरोधमा सीपीआई (माओवादी)ले आज भारत बन्दको आयोजना गरेको छ । भारतीय माओवादकिा शीर्ष नेता प्रशांत बोसको गिरफ्तारीको विरोधमा माओवादीले भारत बन्द आयोजना गरेको हो । भारत बन्दका दौरान झारखण्डमा रेलको पटरीमा बम विष्फोट गरि सेवा अवरुद्ध गराइएको भारतीय संचारमाध्यमले लेखेका छन् । घटना रातको एक बजे भएको हो ।
उता, चक्रधरपुर रेल डिभिजनमा लोटा पहाड र सोनुआ स्टेशनमा समेत माओवादीले क्षति गरेको समाचार छ । पुणेबाट छुट्ने हावडा आजाद हिन्द एक्सप्रेसको चक्रधरपुर स्टेशन सोही कारण बन्द भएको छ । यसबाहेक देशभर आधादर्जन भन्दा बढी रेल्वे लाइन माओवादीको बन्दका कारण रोकिएका छन् । यी घटनामा मानवीय क्षतिको विवरण भने छैन । पछिल्लो दिनमा भारतमा माओवादीको गतिविधि निरन्तर बिस्तार भइरहेको छ ।