काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाल कम्युनिस्ट पार्टीका महासचिव नेत्रविक्रम चन्द ‘विप्लव’बीच शनिबार भेटवार्ता भएको छ । केही दिन अगाडी प्रचण्डले विप्लवसँग एकता गर्ने सार्वजनिक अभिव्यक्ति दिएका थिए । त्यसको केही दिनमै विप्लवले समेत उस्तै अभिव्यक्ति दिएका थिए । दुबै नेताको सो भनाईलाई साथर्गक रुपम दिन शनिबार भेटवार्ता भएको छ ।
वार्तामा दुबै पार्टीबीच तत्कालका लागि कार्यगत सहकार्य गर्ने र भविश्यमा पार्टी एकता गर्ने सम्मको समझदारी बनेको बताइएको छ । शनिबार बिहान प्रचण्ड निवास खुमलटारमा प्रचण्डलाई भेट गर्न विप्लव एक्लै पुगेका हुन् । उनीहरुबीच एक घण्टा कुराकानी भएको छ ।
पार्टी एकता तत्काल सम्भव नभए पनि तल्लो तहसम्म नै सहकार्य भने गर्ने समभलदारी बनेको हो । प्रचण्डले पछिल्लो समय विभिन्न समूहमा विभाजित माओवादीका घटकलाई एकतावद्ध बनाउने अभियान थालेका छन् ।