ओडिशा । बंगालको खाडीबाट एक शक्तिशाली चक्रवाती तूफान जवाद उत्पन्न भएको छ । भारतीय संचारमाध्यमहरुका अनुसार यो तुफान शनिबार आ्न्ध्र प्रदेशको समुन्द्री निकारामा आइपुग्ने छ । सोही अनुसार भारत सरकारले आन्ध्र प्रदेश, ओडिशा र बंगालमा हाई एलर्ट जारी गरेको छ र यहाँ आपतकालिन अवस्थाका लागि उद्धार टीम खटिएका छन् । नदी निकारबाट मानिसहरुलाई सुरक्षित स्थानमा सार्ने काम भइरहेको समेत समाचारमा जनाइएको छ ।
जवाद तूफान कति खतरनाक हो भन्ने बारे प्रधानमन्त्री नरेन्द्र मोदीले आज जानकारी लिन बैठक बोलाएका छन् । भारतीय मौसम विभागका अनुसार जवाद तूफान किनारामा ठोक्किएपछि हावाको गति १ सय किलामिटर प्रतिघण्टाको रफ्तारमा बहने छ । यसबाट आन्ध्र प्रदेश, ओडिशा र पश्चिम बंगालका तटीय क्षेत्रमा भारी वर्षा गराउने छ ।
ओडिशाका गजपति, गंजम, पुरी र जगतसिंहपुरमा रेड यलर्ट जारी गरिएको छ । केन्द्रपान्डा,, कटक, खुर्दा, नयागढ़, कन्धमाल, रायगन्डा, कोरापुटमा समेत यलर्ट जारी भएको छ । यसको असर नेपालमा के पर्ने छ भन्नेबारे यहाँको मौसम विज्ञान विभागले कुनै जानकारी सार्वजनिक गरेको छैन ।