आफ्नो हारमा पूर्वराजा ज्ञानेन्द्रको हात रहेको कमल थापाको आरोप

काठमाडौं । राष्ट्रिय प्रजातन्त्र पार्टी (राप्रपा)को अध्यक्ष पदमा पराजित भएसँगै यसको कारक पूर्वराजा ज्ञानेन्द्र भएको कमल थापाले आरोप लगाएका छन् । उनलाई राजेन्द्र लिङ्देनले हराएका हुन् । थापाले पार्टीको आन्तरिक प्रतिस्पर्धामा निर्मल निवासले हस्तक्षेप गरेको भन्दै आक्रोसित टिप्पणी गरेका छन् । थापाले सामाजिक संजाल टुइटरमार्फत आफूलाई ‘राजनीतिक रुपमा समाप्त पार्ने चेष्टा गरिएको आरोप लगाएका छन् ।

उनले भनेका छन्, पार्टीको आन्तरिक प्रतिस्पर्धामा निर्मल निवासको नांगो हस्तक्षेपको भ्रर्तसना गर्दछ ।,’ उनी अगाडी लेख्छन्, ‘सिंगो मुलुक गणतन्त्रमय भएको बेला शीरमा कफन बाँधेर २०६३ सालदेखि राजसंस्था बोकेर हिँडेको पुरस्कार आज पाइयो । सो एजेण्डाको मूल संवाहकलाई राजनीतिकरुपमा समाप्त पार्न गरिएको चेष्टाले राजाको भलो होस् । हार्दिक शुभकामना ।’