काठमाडौं । नेपाली कांग्रेसको नयाँ नेतृत्व चयनका लागि अहिले मतदान भइरहेको छ । मतपत्र छपाईमा ढिला भएको भन्दै बिहान अबेर शुरु भएको मतदान अहिले पनि जारी रहेको छ । कांग्रेसको निर्वाचन समितिले ९ बजेसम्मका लागि तोकिएको अवधिमा मतदान नसकिएपछि सो समय साढे १० बजेसम्मका लागि लम्ब्याइएको छ । एकातर्फ मतपत्र नपुगेको भन्दै मतदान रोकिएको थियो । सोही अवसरमा आज केहीबेर प्रतिनिधिले होहल्ला समेत गरेका थिए ।
नेतृत्व चयनका लागि नेपाली कांग्रेसको जारी मतदान लगत्तै सभापति पदको मत गणना शुरु हुने निर्वाचन समितिले जनाएको छ । निर्वाचनमा ४ हजार ७ सय ४३ जना प्रतिनिधि सहभागी रहेका छन् । कांग्रेसको सभापति पदका लागि शेरबहादुर देउवा, शेखर कोइराला, प्रकाशमान सिंह, विमलेन्द्र निधि र कल्याण गुरुङ प्रतिस्पर्धा गरिरहेका छन् ।