न्युयोर्क
नुवाकोटबाट अमेरिकाको न्युयोर्क सहरमा बसोबास गर्दै आएका नेपालीहरुले भाइचारा र सामुदायिक एकता कायम गर्ने उद्देश्यले फोन्ना (फ्रेण्ड्स अफ नुवाकोट इन न्युयोर्क अमेरिका) नामक संस्था गठन गरेका छन् । न्युयोर्कको क्वीन्समा बसेको भेलाले थात्थलो एवम् भेगीय एक्यवद्दताको महत्व प्रवासमा अझ बढी हुने निस्कर्ष निकाल्दै उक्त संस्था गठन गरेको हो ।
भेलालाई मुर्तरुप दिन पहल गर्ने बिज्ञान खनाल र बसन्त पाण्डेका अनुसार ‘करिव २ दशकभन्दा लामो समयदेखि एउटै सहरमा बस्दै आएका एक्कै मुलका पानी खाइहुर्केका साथीभाइ समेत विरानो जस्तो बन्न पुगेकाले संगठित हुनुपरेको’ दृष्टान्त व्यक्त गरेका छन् । सम्पन्न भेलाले बिष्णु राना मगरको संयोजकत्वमा ५ सदस्यीय तदर्थ समितिको चयन गरेका छन् ।
भेलामा रामेश्वर खनाल ‘राम’, दीपक ब. पण्डीत, भुवनमान डंगोल, निरञ्जन पाण्डे, अच्युत सिग्देल, बुद्धिमान तामाङ्ग, राधिका पाण्डे, देबेन्द्र लो तामाङ्ग, उत्तम पाण्डे, बिष्णु राना मगर, बसन्त पाण्डे, बिज्ञान खनाल, योगेश आदी लगायतका नुवाकोटबासीका उपस्थिति थियो ।
संस्थाको उद्देश्य र महत्वका बारेमा प्रकासपार्दै पहलकर्ता बिज्ञान खनालले; “संस्थालाई बिस्तारै अमेरिकाको अन्य सहरमा समेत बिस्तार गर्ने र नुवाकोटबाट अमेरिका आएका नुवाकोटेको हितमा कार्य गर्ने” बताए । संस्थाले नियमित गर्ने बार्षिक कार्यक्रम तथा संगठनलाई मजबुत तथा एकत्रित बनाउने कार्यनै प्रारम्भिक कार्यतालिकामा रहने संयोजक बिष्णु राना मगरले प्रष्ट पारे ।