काठमाडौं । सरकारले अमेरिका र बेलायतसहित विश्वका ६७ मुलुकबाट नेपाल आउँदा अनिवार्य क्वारेन्टिन बस्नु पर्ने नियम ल्याएको छ । तर, भारतबाट नेपालमा आउँदा भने खुलेआम आउन पाउने नियम छ । यसले मुलुक भित्र सहजै भाइरस भित्राउने भन्दै सरोकारवालाले चिन्ता व्यक्त गरेका छन् । पर्यटन व्यवसायी ध्रुव सिखडाले सरकारको यो नियमले नेपालमा कोरोना रोक्ने नभई पर्यटक मात्र रोकिने चिन्ता व्यक्त गर्छन् । कोरोना भाइरसको नयाँ भेरियन्ट तुलनात्मक रुपमा बढी संक्रामक पाइएको छ । तर, घातक भने नभएको पुष्टी भएको छ ।
आजसम्म बेलायतमा एक जनाको मृत्युको केश मात्र आएको रेकर्ड छ । तर, अर्कोतर्फ विकसित मुलुकका नागरिकले अधिकांशले खोप समेत लगाइसकेका छन् । यता, भारतमा भने ११ राज्यमा १ सय भन्दा बढी मानिसमा नयाँ भेरियन्ट पुष्टी भइसकेको छ । यसले छिट्टै उग्ररुप लिने चिन्ता भारतमा छ । तर, सरकारले भने तेस्रो मुलुकमा मात्र यात्रामा कडाई गरेको छ । यसले पर्यटक आगमनसहित नेपाली कामदार समेत प्रभावित हुने छन् ।