पासाङ शेर्पा, न्युयोर्क
सोलुखुम्बु जिल्लाको खुम्बु पासाङ ल्हामु गाउँपालिका तथा आसपासका क्षेत्रबाट अमेरिकाको न्युयोर्क तथा अन्य सहरहरुमा बसोबास गर्दै आएका शेर्पाहरुको गत शनिबार जनवरी ८ तारिख २०२२ मा प्रथम भेला भएको छ ।
न्युयोर्कको ज्याक्सन हाइट्सस्थित सुम्निमा रेष्टुरेण्टमा सम्पन्न भेलामा महामारी कोरोना प्रकोपको त्रास र कामको व्यस्तताका बाबजुद पनि करिव ५० जनाले सहभागिता जनाएका छन् । उक्त भेलाले खुम्बु पासाङ ल्हामु गाउँपालिकाबाट यहाँ बसोबास गर्ने सम्पूर्ण गाउँबासीहरुलाई संगठित गरेर आफ्नो मौलिक रीतिरिवाज, भाषा, धर्म र संस्कृति जोगाउने उदेश्यका साथ ङवाङ शेर्पा गर्जा, ठमोको अध्यक्षतामा “खुम्बु पासाङल्हामु शेर्पा समाज यु एस ए” गठन भएको छ।
भेलामा सहभागीहरुको सर्वसम्मतिले चुनिएका १२ सदस्यीय कार्यसमितिको कार्यकाल आगामी दुई बर्षको लागि हुने छ। उक्त नवगठित कार्यसमितिको अन्य पदाधिकारीहरुमा क्रमशः उपाध्यक्षमा फुर्वा ग्याल्जेन शेर्पा लुक्ला, महासचिव आङ ग्याल्जेन शेर्पा, सचिवमा छिङ्ग नुरु शेर्पा खुम्जुङ, कोषाध्यक्षमा आङ छेची शेर्पा, सहकोषाध्यक्षमा लाक्पा नुरु शेर्पा चयन भएका छन। त्यसैगरी कार्यसमितिको सदस्यहरुमा ल्हक्पा नुरु शेर्पा, हिलाज्युङ पासाङ् दिकी शेर्पा, थामे पासाङ दावा शेर्पा सुर्के,पासाङ दावा शेर्पा लुक्ला, मिङ्मा छेम्जी शेर्पा पाङगोम र मिङ्मा नुरु शेर्पा पैँया, चयन गरेको छन्।
त्यसैगरी संगठनको नवगठित कार्यसमितिको सल्लाहकारमा क्रमशः शेर्वी रिक्स्युङ लोप्टाका धर्म गुरु लोपेन ग्युर्मे छोड्राक, खुम्जुङ समाजसेवी एवं व्यावसायी पासाङ नुरु शेर्पा, मुसे र समाजसेवी आङ छोङ्बा शेर्पा,बुम्बुरी चयन हुनुभएको छ।
समाजको विभिन्न व्यक्तित्वहरु सहभागी भएको उक्त भेलामा “शेर्पा किदुक अमेरिका”का बोर्ड् अफ ट्रस्टीका कोअर्डिनेटर पेम्बा ग्याल्जेन शेर्पा, लाक्पा नुरु शेर्पा, पासाङ् नुरु शेर्पा, पासाङ दावा शेर्पा, आङ छेची शेर्पा, आङ ग्याल्जेन शेर्पा, निमा याङ्जी शेर्पा, मिङ्मा छेम्जी शेर्पा, ङवाङ छेतेन शेर्पा, मिङ्मा दोर्जी शेर्पा, आङ निमा शेर्पा, ङवाङ शेर्पा गर्जा, छिङ्ग नुरु शेर्पा, नोर्बु शेर्पा, पोमु दिकी शेर्पा, फुर्वा ग्याल्जेन शेर्पा, पासाङ छिरी शेर्पा, लाक्पा नुरु शेर्पा, आङ छिरी शेर्पा लगायतका वक्ताहरुले संस्थाको महत्वको र उदेश्यको बारेमा चर्चा गरेर सुरुवात गरेको कार्यक्रमलाई नवगठित कार्यसमितिकोको सदस्यहरुलाई खादा माला लगाएर बधाई अनि शुभकामना दिएर कार्यक्रमलाई समापन गर्नु भएको थियो।
भेलाको आयोजना तथा संचालन न्युयोर्कका चर्चित मोडेल तथा डि जे लाक्पा जाङ्बु शेर्पाले गरेका थिए ।