काठमाडौं । सामान्यतया हिमाली भेगमा हिमपात नौलो विषय होइन । तर, पछिल्ला दिनमा सहारा मरुभूमिमा हरेक वर्ष जसो हिउँ पर्न थालेको छ । यस वर्ष समेत यहाँ हिमपात भएको छ । नाइजेरियाको उत्तरपश्चिम क्षेत्रमा पर्ने सहारा मरुभूमिमा हल्का हिमपात भएको छ । बीबीसीका अनुसार यहाँ सबैभन्दा पहिले सन् १९७९ मा पहिलो पटक हिमपात भएको थियो । त्यतिबेला आश्चर्यजनक मानिएको थियो । तर त्यसयता सन् २०२१, २०१८ र २०१७ मा पनि यहाँ हिमपात भएको थियो ।
त्यसैले अहिले सहारा मरुभूमिमा हिमपात हुनु सामान्य जस्तै मान्न थालिएको छ । मरुभूमीको न्यूनतम तापक्रम माइनस २ डिग्री सेल्सियस पुगेको छ । यो अधिकतम तापक्रम ५८ देखि ६० डिग्री सेल्सियससम्म पुग्ने भूमि हो । सहारा मरुभूमिमा अहिले हल्का हिमपात हुँदा बुट्टा भरेको जस्तो सुन्दर दृष्य देखिन्छ । त्यो दृष्य अहिले सामाजिक संजालमा भाइरल भइरहेको छ । बाव मिडियाका फोटोग्राफर करिब बोचेताले कैद गरेका तस्वीरहरु यतिबेला सोसल मिडियामा भाइरल भएका छन् । हिमपातले यस भेगका मानिसहरुलाई समेत राहत दिएको छ ।