लन्डन । बेलायतले कोभिड विरुद्ध यस अघि घोषणा गरेका धेरै जसो प्रोटोकल खुकुलो पारेसङ्गै जनजीवन सहज बन्न थालेको छ । बेलायतमा बिहीवारबाट लागू हुने गरि धेरै जसो प्रतिवन्ध फुकुवा भएका छन् । सक्रिय सङ्क्रमित भने ५ दिन आइसोलेसनमा रहनु पर्छ । बिहीबारदेखि अनिवार्य मास्क लगाउनु पर्ने शर्त हटेको छ । तर, मानिसले आफ्नो सुरक्षाका लागि स्वच्छिक रुपमा लगाउन सक्नेछन् ।
बेलायतमा कोभिड खोपको बुस्टर डोजका कारण गम्भीर संक्रमण र अस्पताल भर्ना हुनेको संख्या कम भएको भन्दै प्रतिवन्ध हटाइएको हो । अब नाइट क्लब र ठूला कार्यक्रममा कोभिड पास लिएर मात्रै प्रवेश गर्न पाइने नियम समेत हटेको छ । घरबाटै काम गर्ने र कक्षाकोठामा मास्क लगाउनुपर्ने नियम गत साता नै हटेको थियो ।
व्यवसायी र सार्वजनिक यातायात सञ्चालकले मानिसहरूलाई मास्क लगाउन अनुरोध गरिरहने बताएका छन् । लण्डनका मेयर सदिक खानले समेत राजधानीका बस एवं भूमिगत रेलमा यात्रा गर्दा मास्क लगाउनु पर्ने नियम कायम रहेपनि यो स्वयं व्यक्तिको विवेकमा छाडिएको छ ।
बेलायतमा १२ वर्षमाथिका ८४ प्रतिशतले कोभिड खोपको दोस्रो डोज र दोस्रो डोज लगाइसकेका व्यक्तिमध्ये ८१ प्रतिशतले बुस्टर डोज लगाइसकेका छन् ।