काठमाडौं । पछिल्लो समय कोरोना भाइरसको सङ्क्रमण दर बढेसँगै कोरियाले नेपालसहितका मुलुकबाट श्रमिक लैजान रोक लगाएको छ । सो मुलुकमा कोरोना भाइरसको सङ्क्रमण दर तीव्र गतिमा फैलिएको छ । सोहीकारण नेपाललगायतका देशबाट श्रमिक लैजान रोक लगाइएको हो । यसले फेब्रुअरी १४ मा तय भएको नियमित उडान तालिका समेत स्थगन गरिएको छ ।
श्रम, रोजगार तथा सामाजिक सुरक्षा मन्त्रालयका अनुसार वैदेशिक रोजगारका लागि दक्षिण कोरिया जान भाषा परीक्षा पास गरी लामो पर्खाइपछि उडान तय भएका श्रमिकको अर्को उडान तालिका छिट्टै सार्वजनिक गर्न पहल भइरहेको छ । सङ्क्रमण दर कम हुनासाथ रोकिएका श्रमिकलाई तत्काल पठाउने व्यवस्था गरिने समेत मन्त्रालयको भनाई छ ।