काठमाडौं । बुधबार सरकारले संसदमा एमसीसी टेबुल गर्ने सम्भावना छ । यस दिनको विरोधमा विभिन्न कम्यूनिष्ट घटकहरुले नेपाल बन्दको आह्वान गरेका छन् । नेपाल बन्दको आह्वान गरेसँगै गृह मन्त्रालयले समेत काठमाडौं उपत्यकासहित ७७ वटै जिल्लामा सुरक्षा सतर्कता बढाएको बताएको छ । अमेरिकी सहयोग परियोजना एमसिसीको विरोधमा ६ वटा कम्युनिस्ट पार्टी र एउटा मोर्चाले आज नेपाल बन्दको घोषणा गरेका हुन् ।
मोहन वैद्य नेतृत्वको नेकपा (क्रान्तिकारी) माओवादी), नेत्रविक्रम चन्द )विप्लव) नेतृत्वको नेपाल कम्युनिस्ट पार्टी, ऋषि कट्टेल नेतृत्वको नेकपा, आहुती नेतृत्वको वैज्ञानिक समाजवादी पार्टी र कर्णजीत बुढाथोकी नेतृत्वको नेकपा माओवादी केन्द्र समाजवादी र सीपी गजुरेल नेतृत्वको देशभक्त गणतान्त्रिक मोर्चा नेपालले बन्द आह्वान गरेको हो। बन्दको प्रभाव काठमाडौं उपत्यकामा भने त्यति परेन । लामो दूरीका सवारी साधन भने प्रभावित भएका छन् ।