काठमाडौं । प्रतिस्पर्धात्मक खेलमा पेरिस सेन्ट जर्मेन (पिएसजी)ले युइएफए च्याम्पियन्स लिग अन्तर्गगत प्रि–क्वाटरफाइनलको पहिलो लेगमा स्पेनिस क्लब रियल म्याड्रिडलाई हराएको छ। केलियन एम्बाप्पेको एक मात्र गोल निर्णायक गोल गरे । पिएसजीले घरेलु मैदानमा रियललाई पहिलो लेगमा १–० ले हराउँदै अग्रता लिएको छ । पार्क डेस प्रिन्सेस मैदानमा पाहुना टोलीलाई दबाबमा राखे पनि गोलका लागि अन्तिमसम्म कुर्नु परेको थियो।
एम्बाप्पेले इन्ज्युरी समयको थप गरिएको चौथो मिनेटमा नेयमारले दिएको पासलाई सदुपयोग गर्दै उनले गोल गरे । एम्बाप्पे, नेइमार र मेसीसहितको पिएसजीले गोल गर्ने केही राम्रा मौका गुमाएको थियो । खेलको ६२ औं मिनेटमा मेसीले पेनाल्टीमा चुकेका थिए । दोस्रो लेग रियलको मैदानमा ९ मार्चको राति हुने कार्यक्रम तय भएको छ ।