डेढ करोड रुपैयाँसहित हुन्डी कारोबारी पक्राउ

काठमाडौं । प्रहरीले एक करोड ५० लाख नगदसहित काठमाडौंको बाफलबाट हुन्डी कारोबारीलाई पक्राउ गरेको छ । महानगरीय अपराध महाशाखाका अनुसार काठमाडौंको बाफल बस्ने अमित अग्रवाललाई पक्राउ गरेको हो । अग्रवाल अवैध हुण्डी कारोबारमा संलग्न भएको सूचनाका आधारमा प्रहरी सो स्थानमा पुगेको थियो । घटनाबारे थप अनुसन्धान भइरहेको प्रहरीलाई उदृत गर्दै संचारमाध्यमले उल्लेख गरेका छन् । नेपालमा रेमिट्यान्सको ठूलो रकम अनौपचारिक माध्यमबाट भित्रने गरेको देखिन्छ ।