काठमाडौं । रुसविरुद्ध लड्न अमेरिकाले सेना नपठाउने भएको छ । अमेरिकी राष्ट्रपति जो बाइडनले शुक्रवार यस्तो बताएका हुन् । उनले अमेरिका रूससँग लड्न यूक्रेनमा आफ्नो सेना पठाउने पक्षमा नरहेको बताए । उनले ट्वीट गर्दै यस्तो बताएका हुन् । यद्दपी नेटोलाई सक्षम बनाएर नेटो क्षेत्रको हर भूमी रक्षाका लागि भने प्रतिवद्ध रहेको उनले बताएका छन् । उता, युक्रेनले नेटाको सदस्यता नलिने बताइसकेको छ । एक संयुक्त र मजबूत नेटोको क्षमताबाटै नेटो क्षेत्रको रक्षा गर्ने उनको भनाई छ ।
अमेरिका युक्रेन पुगेर रूससँग युद्ध लड्नु भनेको तेस्रो विश्व युद्ध सरह हुने उनको भनाई छ । बाइडनले आफ्नो सेना युक्रेन नजाने विषय पटक पटक दोहोर्याइरहेका छन् । उता, यूक्रेनका राष्ट्रपति भ्लादिमिर ज़ेलेन्स्कीले भने अमेरिकासँग पटक पटक सैन्य सहयोगको आग्रह गरिरहेका छन् । युक्रेनले आफ्नो मुलुकलाई नो फ्लाइ जोन घोषणा गर्न समेत नेटोसँग माग गरिरहेको छ ।