काठमाडौं । भारतीय सरकारले चलाएको उद्धार अभियानमार्फत चार जना नेपाली समेत युक्रेनबाट स्वदेश फर्कन सफल भएका छन् । भारत सरकारको सहयोगमा चार जना नेपाली आज काठमाण्डौ आइपुगेका परराष्ट्र मन्त्रालयका प्रवक्ता सेवा लम्सालले जानकारी गराएकी छिन् । भारत सरकारले युक्रेनमा रहेका आफ्ना नागरिकलाई अपरेशन गंगा कार्यक्रम मार्फत् स्वदेश फर्काइरहेको छ ।
प्रधानमन्त्री शेरबहादुर देउवाले नेपाली नागरिकलाई फिर्ता ल्याउन सहयोग गरेकोमा ट्विटरमार्फत् भारतका प्रधानमन्त्री नरेन्द्र मोदी र भारत सरकारलाई धन्यवाद दिएका छन् । युक्रेनबाट अहिलेसम्म पाँच सय ८४ जना नेपाली अन्य मुलुकमा छिरिसकेका छन् । अब थप नेपाली सो मुलुकमा छन् वा छैनन् भन्ने चाँही यकिन छैन । किनकी नेपालीले सम्पर्क भने गरेका छैनन् ।