रोनाल्डोले गरे ह्याट्रिक, बन्यो कीर्तिमान

लण्डन । इंग्लिस प्रिमियर लिगमा म्यानचेस्टर युनाइटेडले टोटनहमलाई ३–२ ले हराएको छ । शनिबार भएको यो खेलमा क्रिस्टियानो रोनाल्डोले ह्याट्रिक पुरा गरे । यससँगै उनको नाममा एक अर्को गोलको कीर्तिमान बनेको छ । रोनाल्डो पछिल्ला १० खेलमा गोलविहिन थिए । तर, आलोचकको मुख थुन्दै उनले सुन्दर गोल गरेका छन् । क्लब र देशका लागि रोनाल्डाले गरेको गोल संख्या ८ सय ७ पुगेको छ । यो अन्तर्राष्ट्रिय फुटबलमा पुरुष खेलाडीका लागि यो सर्वाधिक बढी गोल हो ।