काठमाडौं । रुस–युक्रेन युद्धको आज २६ औं दिन हो । दुई देशबीच यूक्रेनमा भीषण युद्ध जारी छ । युद्ध रोक्न वार्ताहरु भए पनि सहमति हुने सम्भावना न्यून देखिन्छ ।
यूक्रेनले आत्मसमर्पण नगर्ने स्पष्ट संकेत दिएको छ । युक्रेनी सेनाले मारिउपोलमा भएको भीषण युद्धमा पनि हतियार राख्न अस्वीकार गरेको छ । यूक्रेनले रुसी सेनालाई फिर्ता पठाउन सक्दो प्रयास गरेको छ ।
यसैबीच, युक्रेनका राष्ट्रपति भोलोडिमिर जेलेन्स्कीले पुटिनसँग वार्ताका लागि आफू तयार रहेको बताउँदै वार्ता असफल भए तेस्रो विश्वयुद्ध हुने बताएका छन् ।
सैन्य क्याम्प केन्द्रीत आक्रमण
युद्धको २६ औं दिनमा, रूसी पक्षले युक्रेनको रिभ्ने सैन्य प्रशिक्षण मैदानमा मिसाइल आक्रमण सुरु ग¥यो । गभर्नर भिटाली कोवलले यहाँ दुईवटा मिसाइल आक्रमण भएको बताए । यस हमलामा भएको हताहतीको बारेमा अहिलेसम्म कुनै जानकारी आएको छैन ।
उत्तरी कीभमा रुस र युक्रेनबीच भीषण भिडन्त
सोमबार युक्रेनको रक्षा मन्त्रालयले उत्तरी कीभमा रुसी र युक्रेनी सेनाबीच भीषण युद्ध भइरहेको जनाएको छ । सहरको उत्तरपूर्वमा रुसी सेनालाई युक्रेनी सेनाले नियन्त्रणमा लिएको छ ।
युक्रेनले आफैं रेलवे पुल उडाएको छ
रुस–युक्रेन युद्धको बीचमा ठूलो खबर बाहिर आएको छ । जानकारीका अनुसार युक्रेनी सेनाले आजोभ सागरमा बनेको आफ्नै रेलवे पुललाई उडाएको छ ।