काठमाडौं । मूख्य कलाकार बाहिरिएपछि आएको टेलिफिल्म भद्रगोललाई दर्शकले नेगेटिभ प्रतिक्रिया दिएका छन् ।
भद्रगोलको शुक्रबार प्रसारण भएको नयाँ एपिसोडलाई दर्शकले विफल पारिदिएका हुन् ।
आइतबार साँझसम्म यस एपिसोडमा १७ हजार लाइक आएका छन् । २८ हजार डिसलाइक छन् । यसको मतलव करीव दोब्बर संख्यामा दर्शकले यो टेलिफिल्मलाई मन पराउन सकेनन् ।
नेपाल टेलिभिजनबाट प्रशारण हुने चर्चित हास्य टेलिश्रृंखला भद्रगोल ६ हप्तापछि पुन प्रशारणमा आएको थियो ।
आर्थिक लेनदेनमा कुरा नमिलेपछि भद्रगोलबाट निर्देशकद्वय कुमार कट्टेल जिग्री र अर्जुन घिमिरे पाँडेसहित २१ जनाको पुरानो टिम बाहिरिएको छ ।
मिडिया हबले कलाकारको नयाँ टिम बनाएर भद्रगोल पुनः प्रसारणमा ल्याएको छ । भद्रगोलमा पाँडे, जिग्री, बले र कक्रोसको भूमिकालाई दर्शकले खुब मन पराएका थिए ।
नयाँ श्रृंखलामा भने निर्देशनको जिम्मेवारी ज्योती काफ्ले र अशोक धितालले पाएका छन् ।
उता, कट्टेल र घिमिरेसहितको टोली भने नयाँ टेलिफिल्मको तयारीमा जुटेको बताइएको छ । नेपालमा टेलिभिजन संसारमा हास्य टेलिफिल्मले राम्रो लोकप्रियता पाइरहेका छन् ।