बलियो टोलि थाइल्यान्डसङ्ग हार्यो नेपाल

काठमाडौं । थाइल्याण्डसँगको अन्तर्राष्ट्रिय मैत्रीपूर्ण फुटबलमा नेपाल २–० ले पराजित भएको छ । बिहीबार थाइल्याण्डको चोन्बुरी स्टेडियममा भएको खेलमा नेपालले ७७ मिनेटसम्म गोलरहित बराबरीमा रोकेको थियो । तर ७८ औं मिनेटमा पी रोलेरले गोल गरे भने ८९औं मिनेटमा सी विराचार्टले गोल गरे । खेल अवधिभर नेपालले डिफेन्समा ध्यान दिएको थियो । जसले गर्दा थाइल्यान्डलाई गोल गर्न हम्मेहम्मे परेको थियो । अन्तिम १० मिनेटमा भने नेपाली खेलाडीलाई रोक्दै थाइल्यान्डले गोल गर्यो । थाइल्यान्ड फिफा र्याङ्किङमा ११२ औं स्थानमा छ । नेपाल १६७ औं स्थानमा छ ।