काठमाडौं । नेपाली राष्ट्रिय फुटबल टोली र थाइल्यान्डको क्लब चोनबरी एफसीसँग मैत्रीपूर्ण फुटबल आज हुँदैछ । नेपाल र चोनबरीबीचको खेल बेलुका पौने ६ बजे हुँदैछ । यसअघि थाइल्यान्डसँग भएको मैत्रीपूर्ण खेलमा नेपाल २–० ले हारेको थियो । नेपाल एएफसी एसियन कप छनोटको तयारीमा छ ।
सोही क्रममा नेपालले थाइल्याण्डमा अभ्यास खेलहरु खेलिरहेको छ । एसियन कप छनोटमा नेपाल समूह ‘ए’ मा रहेको छ । नेपाल रहेको समूहमा कुवेत, इन्डोनेसिया र जोर्डन रहेका छन् । यी तीन वटै टिम नेपालभन्दा निकै बलियो टोली हुन् ।