काठमाडौं । नेपाली कांग्रेसको चुनावी कमाण्डरमा उपसभापति पूर्णबहादुर खड्का तोकिएका छन् । उनले ३० वैशाखमा हुने स्थानीय तह निर्वाचनमा का्रग्रेसको प्रचार अभियानको नेतृत्व गर्नेछन् । मंगलबार केन्द्रीय समिति बैठकले यस्तो निर्णय गरेको हो । स्थानीय तह निर्वाचन केन्दीय परिचालन समिति गठन गरिएको र त्यसको संयोजकमा उपसभापति खड्कालाई राखिएको हो ।
समितिको सदस्य पार्टी सभापति शेरबहादुर देउवाले आपसी परामर्शमा तोक्ने भएका छन् । निर्वाचन प्रचार प्रसार समिति संयोजकमा प्रवक्ता डा. प्रकाशशरण महत चयन भएका छन् । अन्य सदस्य सभापति देउवाले गर्ने बताइएको छ ।