क्यालिफोर्निया । आइफोन पारखीलाई अब नयाँ सिरिज सार्वजनिक भएको छ । मंगलबार राती नयाँ सिरिजको आइफोन सार्वजनिक गरेको हो एप्पलले आइफोन ११ प्रो र प्रो म्याक्सको पनि लन्च गर्यो ।
आइफोन ११ को विभिन्न सिरिजको मूल्य अनुसार आइफोन ११ ६ सय ९९ डलरदेखि शुरु हुने भएको छ ।
आइफोन ११ प्रोको मूल्य भने ९ सय ९९ राखिएको छ । आइफोन ११ प्रो म्याक्सभने १ हजार ९९ डलर तोकिएको छ ।
अमेरिकाको क्यालिफोर्नियास्थित एप्पल पार्कमा एक विशेष कार्यक्रम आयोजना गरी आइफोनको नयाँ सिरिज सार्वजनिक गरिएको छ ।
एप्पलका मूख्य कार्यकारी टीम कुकका अनुसार नयाँ सिरिज अत्याधुनिक सुविधा सम्पन्न रहेको छ ।
विलकुल नयाँ डिजाइनमा नयाँ सिरिज ल्याइएको छ । त्यसो त आइफोनले यस वर्ष नयाँ सिरिजको प्रारम्भिक मूल्य गत वर्षको सिरिजभन्दा केही घटाएको छ ।
यसले आइफोन पारखीलाई झनै उत्साहित बनाउने छ । आइफोन ११ मा दुई वटा क्यामरा राखिएको छ ।
जुम र वाइड क्यामराका माध्यमबाट स्तरीय तस्वीर लिन सकिने कम्पनीले उल्लेख गरेको छ । आइफोन ११ प्रो मा भने ३ वटा क्यामरा राखिएको छ ।
एजेन्सी