काठमाडौं । रियल म्याड्रिडले जारी सिजनमा स्पेनिस ला लिगाको उपाधि उचाल्ने करीव निश्चित भएको छ । बुधबार राति भएको खेलमा रियलले ओसासुनालाई ३-१ गोल अन्तरमा हरायो । अब शीर्ष स्थानमा उसले १७ अंकको अग्रता बनाएको छ। तालिकामा समान ३३ खेलबाट एट्लेटिको म्याड्रिडको मात्र ६१ अंक छ ।
६० अंक रहेको बार्सिलोनाले दुई खेल कम खेलेको छ। १ खेल कम खेलेको सेभिल्लाको समान ६० अंक छ। शीर्ष स्थानको रियलसँग भने ३३ खेलबाट ७८ अंक पुगेको छ । रियललाई ला लिगाको उपाधि जित्न बाँकी ५ खेलमा ४ अंक मात्र जोडे पर्याप्त हुने छ । बुधबार रियललाई जिताउन डेभिड अल्बा, मार्को एसेन्सियो र लुकास भास्क्वेजले गोल गरे ।