काठमाडौं । चितवनको भरतपुर महानगरपालिकामा मेयर पदका लागि नेकपा माओवादी केन्द्रले वर्तमान मेयर रेणु दाहाललाई नै अगाडि सार्ने पक्कापक्की भएको छ ।
फेरि दोहोरिनका लागि उनले पदबाट राजीनामा दिएकी छिन् ।
यसअघि काठमाडौंमा बसेको पाँच दलको गठबन्धनको बैठकले भरतपुर महानगरपालिकामा प्रमुखको उम्मेदवार माओवादी केन्द्रबाट दिने निर्णय गरेको थियो ।
यहीअनुसार उनले शुक्रबार पदबाट राजीनामा दिएकी हुन् ।