काठमाडौं । चितवनमा गठबन्धनलाई चूनौति दिँदै बागी उठेका नेपाली कांग्रेसका नेता जगन्नाथ पौडेल पार्टीबाट स्वतः निष्काशनमा परेका छन् । पार्टीले शुक्रबार अपरान्ह ५ बजेभित्र उम्मेदवारी फिर्ता नलिएका बागी उम्मेदवारलाई स्वत पार्टीबाट निष्काशन गरेको हो ।
भरतपुर महानगरपालिकामा कांग्रेसबाट बागी उम्मेदवारी दिएका जगन्नाथ पौडेलसहित नेताहरू कांग्रेसको निर्णयअनुसार स्वतः निष्काशनमा परेका हुन् । कांग्रेस मुख्यसचिव कृष्णप्रसाद पौडेलले आजै विज्ञप्ति निकालेर बागी उम्मेदवारलाई उम्मेदवारी फिर्ता लिन आह्वान गरेका थिए । कांग्रेसले विद्रोही उम्मेदवार, निजको प्रस्तावक र समर्थक पार्टीबाट स्वतः निस्कासन गर्ने निर्णय गरेको छ।