काठमाडौं । नेपाल र जिम्बावे ‘ए’ बीच हुने गरि तोकिएको एकदिवसीय र टी–२० सिरिजको खेल तालिका परिमार्जन भएको छ । शनिबार त्रिवि मैदान कीर्तिपुरमा हुने गरि तोकिएको पहिलो एकदिवसीय खेल वर्षाका कारण स्थगित भएसँगै अन्य तालिका समेत परिवर्तन भएको हो ।
अब पहिले टी–२० सिरिज हुने भएको छ । पहिलो टी–२० वैशाख १८ मा, दोस्रो टी–२० वैशाख १९ मा र तेस्रो टी–२० वैशाख २१ मा हुनेछ। एकदिवसीय खेल वैशाख २३, २४ र २६ गते हुने गरि तोकिएको छ । नेपालले आइसिसी क्रिकेट विश्वकप लिग–२ को तयारी गरिरहेको छ । सो प्रतियोगिताको आयोजना अमेरिकाले गर्नेछ ।