काठमाडौं । स्थानीय तहको निर्वाचन शुरु भएको छ । तर, देशभर मतदाता तोकिएको स्थानमा पैदल नै हिड्नु पर्ने भएको छ । प्रहरीका अनुसार शुक्रबार बिहान ६ बजेबाट पूर्णरुपमा सवारीसाधन सञ्चालनमा निषेध गरिएको छ । निर्वाचनमा आचारसंहिता उल्लंघन र अन्य कुनै अप्रिय घटना नहुन् भनी सवारीसाधनमार्फत मानिसहरुको आवतजावत रोकिएको हो । यस अवधिमा अत्यावश्यक सवारी साधन चलाउन चाइने छ ।
बेलुकी मतदान सकिएपछि मात्रै सवारीसाधन चलाउन पाइने छ । एकठाउँमा मत हालेको व्यक्ति अर्को ठाउँमा गएर भिड जम्मा गर्न समेत पाइने छैन । संचारमाध्यमले सूचना विभागको पासका आधारमा सवारी चलाउन पाउने छन् । अन्य सवारीको हकमा भने पास लिएको हुनुपर्छ । तर एम्बुलेन्ससहितका अत्यावश्यक सवारी निर्वाध चल्ने छन् ।