काठमाडौं । सरकारले सातामा दुई दिन बिदा घोषणा गरेसँगै अब सार्वजनिक बिदाको दिन सरकारी सवारी साधन चलाउन नपाइने भएको छ । जिल्ला प्रशासन कार्यालय काठमाडौंले सार्वजनिक बिदाको दिन सरकारी सवारीसाधन सञ्चालनमा रोक लगाउने निर्णय गरेको हो । बिहीबार बसेको जिल्ला सुरक्षा समितिको बैठकले यस्तो निर्णय गरेको हो ।
अब अत्यवश्यक भए जिल्ला प्रशासन कार्यालयबाट पास जारी गरिने र सोही आधारमा मात्र गाडी चलाउन पाइने भएको छ । पास नलिई र अत्यावश्यक बाहेक सवारी चलाए जफत गर्न ट्राफिक प्रहरीलाई निर्देशन दिइएको जिल्ला प्रशासन कार्यालयलाई उदृत गर्दै संचारमाध्यमले जनाएका छन् ।