काठमाडौं । अब भैहरवा र पोखराबाट समेत वैदेशिक रोजगारसँग सम्बन्धित काम हुने भएको छ । मंगलबार सरकारको नीति तथा कार्यक्रममार्फत यस्तो घोषणा गरेको हो । भैरहवामा अन्तर्राष्ट्रिय विमानस्थल सञ्चालनमा आएसँगै त्यहाँ वैदेशिक रोजगार कार्यालयको माग बढेको थियो । भैरहवामा जेठ भित्रै कार्यालय संचालनमा ल्याइने भएको छ ।
पोखरा क्षेत्रिय अन्तर्राष्ट्रिय विमानस्थलसमेत निर्माणको अन्तिम चरणमा रहेका कारण उक्त शहरमा समेत कार्यालय संचालनको योजना सरकारले बनाएको हो । सरकारले आगामी आवमा रोजगारीका अवसरहरु समेटेर ई(डाइरेक्टरी सञ्चालनमा ल्याउने भनेको छ । यसबाट रोजगारी खोजिरहेका युवाले सहजै सेवा प्राप्त गर्न सक्ने छन् ।