संसदमा बजेटमाथिको छलफल आजबाट

काठमाडौं । प्रतिनिधि सभाको बैठकमा मंगलबारबाट बजेटको सैद्धान्तिक छलफल प्रारम्भ हुँदैछ । बिहान ११ बजे बस्ने बैठकमा बजेटमाथि सैद्धान्तिक छलफल सुरु हुने छ । अर्थमन्त्री जनार्दन शर्माले जेठ १५ गते संघीय संसदमा बजेट प्रस्तुत गरेका थिए । उक्त बजेटमा छलफल गर्न र सो क्रममा उठेका प्रश्नको मन्त्रीले जवाफ दिनका लागि सभामुख अग्नि सापकोटाले जेठ १७, १८ र १९ गतेको दिन तोकेका छन् । सरकारले आगामी आवमा १७ खर्ब ९३ अर्ब रुपैयाँको बजेट ल्याएको छ ।