काठमाडा । नेकपा एमालेको अनुशासन आयोगले स्थायी कमिटी सदस्य घनश्याम भुसाललाई कारबाहीको सिफारिस गरेसँगै एमाले वृत्तमा पुनः तरगं सिर्जना भएको छ । अध्यक्ष केपी शर्मा ओलीको आलोचना गरेको भन्दै भूसाललाई पार्टी विधान बमोजिम कारबाही गर्न सिफारिस गरेको हो । । पार्टीको सचिवालयको बैठकबाट पार्टी हित विपरीत गएकाले एक जना स्थायी कमिटी नेतालाई कारबाहीको सिफारिस गरेको र उनी घनश्याम भुसाल रहेको एक नेताले बताए ।
पार्टीमा बसेर पार्टी, अध्यक्ष , महाधिवेशन र नीतिको विरुद्धमा बोलेको भन्दै यस्तो निर्णय भएको नेताहरुले बताएका छन् । स्थानीय चुनावपछि जेठ ८ मा हिमालय टेलिभिजनबाट प्रसारण भएको यक्ष प्रश्न कार्यक्रममा अन्तरवार्ता दिँदै भुसालले अध्यक्ष ओलीको आलोचना गरेका थिए । त्यहाँ उनले एमाले भनेकै ओली, ओली भनेको नेकपा एमाले दुवै असफल भएको बताएका थिए ।