काठमाडौं । पश्चिम नेपाललाई राजधानी काठमाडौंसँग जोड्ने एक मात्र राजमार्गको भरपर्दो विकल्प खडा नगर्दा वर्षायाम सुरु भएसँगै यात्रुले सास्ती भोग्नु परेको छ । नारायणगढ–मुग्लिन सडक शनिबार समेत बन्द भएको छ ।
चितवन जिल्ला प्रहरी कार्यालयका अनुसार चितवनको इच्छाकामना ६ चारकिलोमा बिहान साढे ११ बजेतिर सुक्खा पहिरो खसेपछि सडक दुईतर्फी बन्द भएको हो । यो राजमार्गको अर्को विकल्प छैन । सोहीकारण हरेक दिन जसो लामो लाइन र जोखिमपूर्ण यात्रा गर्न यात्रु बाध्य भएका हुन् ।