पटना । भारतमा स्पाइसजेटको जहाज ठूलो दुर्घटनाबाट बचेको छ । जहाजको एक इन्जिनमा आगो लागेपछि आकस्मिक अवतरण गरिएको भारतयि संचारमाध्यमले जनाएका छन् । आइतबार दिउँसो बिहारको पटनाबाट राजधानी दिल्लीका लागि उडेको स्पाइसजेटको जहाजमा टेकअफका बेला चरा ठोक्किएको थियो। उडेको केहीबेरमै जहाजको इन्जिनमा आगो लागेपछि आकस्मिक अवतरण गरिएको हो।
उडिरहेको जहाजको एकातिर धुँवाको मुस्लो आएको स्थानीयले देखेका थिए। उनीहरूले त्यसको भिडिओ समेत बनाएका छन् । स्पाइसजेटको बोइङ ७३७ जहाजमा १८५ यात्रु थिए। चालक दलका सदस्य र सबै यात्रु सकुशल रहेको टाइम्स अफ इन्डियाले जनाएको छ। यस घटनाको जाँच शुरु भएको बताइएको छ ।