काठमाडौं । नेपाल प्रहरीले एकै पटक करीव ३ हजार दरवन्दीमा कर्मचारी माग गरेको छ । प्रहरी प्रधान कार्यालयले ४४३ जना प्रहरी सहायक निरीक्षक र २ हजार ४७४ जना प्रहरी जवान पदमा दरखास्त आह्वान गरेको हो । आइतबार सूचना प्रकाशन गर्दै प्रहरी प्रधान कार्यालयले यस अघि माग गरिएका संख्यामा थप गरी कुल जम्मा ४४३ जना असई र दुई हजार ४७४ जना प्रहरी जवान माग गरेको हो ।
२०७८ असोज २२ गते सूचना प्रकाशन गरी ३६७ जना असई माग भएपनि ७६ जना थप गरी कुल जम्मा ४४३ जना असई माग गरेको हो । २०७८ मंङ्सिर १० गते विज्ञापन प्रकाशन गरी एक हजार ९७१ जना प्रहरी जवान माग गरेको थियो यसमा ५०३ जना थप गरी कुल जम्मा दुई हजार ४७४ जना प्रहरी जवान माग गरेको छ । माग गरिएका मध्ये असईमा ४० जना र जवानमा २१९ जना महिला रहेको सूचनामा उल्लेख छ ।