काठमाडौं । वर्षायामपछि हरेक दिनजसो पहिरो जाँदा नारायणगढ–मुग्लिन सडकखण्ड पटक पटक अवरुद्ध बनेको छ । यसले यात्रुलाई भने सास्ती पुगेको छ । सरकारले यो राजमार्गको विकल्प खडा नगर्दा हरेक वर्ष मानिसहरुले सास्ती भोग्य बाध्य छन् । चितवनको भरतपुर–२९ केराबारीमा पहिरो जाँदा फेरि पनि नारायणगढ–मुग्लिन सडकखण्ड अवरुद्ध बनेको हो ।
आज बिहान २ बजे पहिरो खसेर अवरुद्ध भएको सडक खुलाउने काम भइरहेको जिल्ला प्रहरी कार्यालय चितवनले जनाएको छ । दुई वटा डोजरको सहयोगमा पहिरो पन्छाउने काम भइरहेको र सबै पहिरो हटाएर बाटो खुलाउन केही समय लाग्ने प्रहरीको भनाइ छ । पहिरो हटाउन सुरुमा तीनवटा डोजर प्रयोग गरिए पनि एउटाको टायर पन्चर भएपछि अहिले दुईवटा डोजरमात्र प्रयोग गरिएको छ ।