काठमाडौं । सरकारले अर्थ सचिवमा कृष्णहरि पुष्करलाई नियुक्त गरेको छ । बिहीबार बसेको मन्त्रिपरिषद् बैठकले अर्थ मन्त्रालयको सचिवमा पुष्करलाई नियुक्त गर्ने निर्णय गरेको हो । उनी यसअघि अर्थ मन्त्रालयमा राजस्व सचिव थिए । यसअघि मन्त्रिपरिषदको बैठकले तत्कालिन अर्थ सचिव मधु मरासिनीलाई प्रधानमन्त्री कार्यालयमा सरुवा गरेको थियो ।
मन्त्रिपरिषद बैठकले राजस्व सचिवको जिम्मेवारी रामेश्वर दंगाललाई दिएको छ । दंगाल अहिले सुदुरपश्चिम प्रदेशको मूख्यसचिव थिए । उनी सहसचिव हुँदा अर्थ मन्त्रालयमा राजस्व महाशाखामा काम गरिसकेका छन् ।