काठमाडौं । कुवेतमा भिजिट भिसामा जान लागेका ३९ जना महिलालाई नेपाल प्रहरीले त्रिभुवन विमानस्थलबाट फर्काएको छ । बुधबार बिहान जजिरा एयरवेजको जहाजबाट कुवेत जान लागेका महिलाहरुलाई प्रहरीले शंकास्पद कागजातका आधारमा फर्काएको छ । उनीहरुले बोकेको कागजात र सोधपुछमा समान नभएपछि प्रहरीले उनीहरुलाई रोकेको बताइएको छ ।
उनीहरुले भने दुबईमा भिजिट भिसामा जान लागेको बताएका थिए । उनीहरुलाई विदेश लगेर श्रम भिसा दिलाउने प्रलोभन देखाइएको आशंका प्रहरीले गरेको छ । पछिल्लो समय भिजिट भिसामा विदेश लगेर अलपत्र पर्नेहरुको संख्या बढिरहेको छ ।