काठमाडौं\एजेन्सी । इंग्लिस प्रिमियर लिगमा गत राती लिभरपुलले बर्नमाउथमाथि सानदार जित निकालेको छ । उसले बर्नमाउथलाई ९–० को विशाल अन्तरले हरायो । लिभरपुलको जितमा डियाज र फिर्मिन्होले २–२ तथा इलियोट, आर्नोल्ड, डाइक र कार्भाल्होले १–१ गोल गरे। लिभरपुलले एक गोल आत्मघाती उपहार पायो । खेलको तेस्रो मिनेटमा डियाजले गोल गर्दै टिमलाई सुरूआती अग्रता दिलाए। छैठौं मिनेटमा इलियोटले गोल गर्दै लिभरपुलको अग्रता दोब्बर पारेका थिए । २८ औं मिनेटमा आर्नोल्डले गोल गर्दै टिमको अग्रता तेब्बर पारे ।
३१ औं मिनेटमा फिर्मिन्होले गोल गर्दै ४ गोल पुर्याए । खेलको ४५ औं मिनेटमा डाइकले गोल गरेपछि पहिलो हाफमा लिभरपुल ५ गोलले अगाडी थियो । दोस्रो हाफको सुरूमै क्रिसले आत्मघाती गोल गरे । ६२ औं मिनेटमा फिर्मिन्होले व्यक्तिगत दोस्रो गोल गर्दा लिभरपुल ७ गोलले अगाडी बढ्यो । ८१ औं मिनेटमा कार्भाल्होले गोल गरे । ८५ औं मिनेटमा डियाजले व्यक्तिगत दोस्रो गोल गर्दै लिभरपुललाई ९ गोलको अन्तरको जित निश्चित गरे ।