काठमाडौं । नेपाली कांग्रेसका महामन्त्री गगन थापा काठमाडौं क्षेत्र नम्बर ४ बाट सर्वसम्मत उम्मेदवार सिफारिस भएका छन् । शुक्रबार साझ बसेको क्षेत्रीय समिति बैठकले गगन थापाको एकल नाम प्रतिनिधि सभा सदस्यको उम्मेदवारका लागि सिफारिस गरेको हो ।
निर्वाचन आगामी ४ मंसिरमा हुँदैछ । उनलाई कास्कीको क्षेत्र नम्बर १ बाट पनि सिफारिस गरिएको छ । थापा भने काठमाडौं ४ मै उठ्ने तयारीमा छन् । २०७४ सालको निर्वाचनमा पनि थापा यसै निर्वाचनबाट वाम गठबन्धनका उम्मेदवार एमालेका डा. राजन भट्टराईलाई हराउँदै प्रतिनिधि सभा सदस्यमा निर्वाचित भएका थिए ।