काठमाडौं । परराष्ट्र मन्त्री नारायण खड्का लण्डन पुगेका छन् । उनले बेलायत पुगेर महारानी एलिजाबेथ द्वितीयप्रति श्रद्धाञ्जली अर्पण गरेका छन्। आइतबार बेलायतको वेष्टमिनिस्टर हलमा पुगेर उनले महारानी एलिबेथप्रति श्रद्धाञ्जली अर्पण गरेका छन् । उनले साँझ नेपाल सरकारको प्रतिनिधित्व गर्दै लानक्यास्टर हाउसमा रहेको समवेदना किताबमा हस्ताक्षर समेत गरेको परराष्ट्र मन्त्रालयले जनाएको छ ।
मन्त्री खड्का शनिबार बेलायत पुगेका हुन् । महारानीको सोमबार अन्तिम संस्कार हुँदैछ । अन्तिम संस्कारमा संसारभरबाट ५ सय भन्दा बढी सरकार प्रमुख, राष्ट्र प्रमुख तथा उच्च अधिकारी सहभागी हुँदैछन् । उनको अन्तेष्टीमा भाग लिन भारतले राष्ट्रपतिलाई लण्डन पठाएको छ ।