काठमाडौं । नागरिकता विधेयक प्रमाणीकरण नगर्ने राष्ट्रपतिको कदमबारे सत्तारुढ दलबीच छलफल हुने भएको छ । सत्तारुद दलको बैठक अहिले केहीबेरमा प्रधानमन्त्री निवास वालुवाटारमा बस्दैछ । संघीय संसदले दोस्रो पटक पठाएको नागरिकता विधेयक संविधानअनुसार १५ दिनभित्र राष्ट्रपतिले प्रमाणीकरण गर्नुपर्ने थियो । सभामुखले २० भदौमा पठाएका थिए ।
तर मंगलबार मध्यरातसम्म पनि विधेयक प्रमाणीकरण नभएपछि नेपालमा नयाँ बहस प्रारम्भ भएको छ । बैठकमा प्रतिनिधिसभाको सिट बाँडफाँटबारे पनि छलफल हुने बताइएको छ ।