काठमाडौं । अनसनरत डा. गोविन्द केसी बुधबार उपचारका लागि त्रिवि शिक्षण अस्पतालमा भर्ना भएका छन् । उनी चिकित्सा क्षेत्रमा सुधारका विभिन्न ७ बुँदे माग राखि धनगढीमा अनशनरत थिए । सरकारले उनको स्वास्थ्य बिग्रिएपछि सेनाको जहाजबाट मंगलबार काठमाडौं ल्याउन चाहेको थियो । तर, उनी आज १० औं दिनमा आफ्नै खर्चमा काठमाडौं आएका छन् । अस्पताल भर्ना भए पनि अनशन जारी रहने बताइएको छ ।
केसी आफ्नै खर्चमा ४ः४५ बजेको उडानबाट धनगढीबाट काठमाडौं आए । अनशनका क्रममा केसीको स्वास्थ्य स्थिति झन् झन् जटिल बनेपछि थप उपचारका लागि काठमाडौं ल्याउन सरकारले पहल गरेको हो । अनशन सुरु गरेको दोस्रो दिनदेखि नै डा. केसीको स्वास्थ्यमा समस्या देखिएको छ । उनी धनगढीको सेती प्रादेशिक अस्पतालको आईसीयुमा भर्ना भएका थिए । औषधि समेत सेवन नगरेपछि स्वास्थ्य स्थिति गम्भीर भएको थियो ।