काठमाडौं । नेपाल नागरिक उड्डयन प्राधिकरणले दशैंको समयमा उडाइने चंगाका कारण हवाई सुरक्षामा गम्भीर असर पर्न सक्ने भन्दै सचेत हुन आग्रह गरेको छ । खासगरी त्रिभुवन विमानस्थल आसपास जहाजको बढी उडान तथा अवतरण हुने क्षेत्रमा चंगा उडाउँदा त्यसले उडान सुरक्षामा असर पर्ने प्राधिकरणको भनाई छ ।
प्राधिकरणले यस्तो कार्य नगर्न भनेको छ । अटेर गरी गरिरहेमा भने कानून अनुसार कारवाहीको चेतावनी समेत प्राधिकरणले दिएको छ । दशैंमा चंगा उडाउने परम्परा रहेको छ । तर, घना बस्ती नजिकै विमानस्थल रहेका कारण काठमाडौंमा मानवीय गतिविधिका कारण हवाई सुरक्षामा भने असर परिरहेको हुन्छ ।