काठमाडौं । आजबाट खाद्य व्यवस्था तथा व्यापार कम्पनी लिमिटेडले बिक्रि गर्ने खसीबोका र च्याङ्ग्रा किन्न पाइने भएको छ । कम्पनीले बिहान १० बजेदेखि कम्पनीको थापाथलीमा रहेको प्रादेशिक कार्यालयबाट बिक्री सुरु गर्ने जनाएको छ । दाङ, धादिङ, मकवानपुरलगायतका जिल्लाबाट खसीबोका र दार्चुुलाबाट च्याङ्ग्रा ल्याइएको कम्पनीले जनाएको छ ।
कम्पनीका अनुसार पहिलो चरणमा २ सय २७ वटा च्याङ्ग्रा पनि काठमाडौं ल्याइएको छ । कम्पनीले मंगलबार खसीबोका प्रतिकेजी ६ सय ८० रुपैयाँ र च्याङ्ग्रा प्रतिकेजी एक हजार दुई सय ६० रुपैयाँ मूूल्य निर्धारण गरेको थियो । च्याङ्ग्रा र खसीबोकामा प्रतिकेजी १० रुपैयाँ छुुट दिइएको छ । छुटमा खरिद गर्दा उपभोक्ताले खसीबोका प्रतिकिलो ६ सय ७० रुपैयाँ र च्याङ्ग्रा १२ सय ५० रुपैयाँ तिर्नुपर्नेछ । खाद्यले बिक्री गर्ने मूल्य व्यापारीको भन्दा किलोमा ५० रुपैयाँ सस्तो पर्नेछ ।