आज दशैंको तेस्रो दिन, चन्द्रघण्टा देविको पूजा

काठमाडौं । आज दशैँको तेस्रो दिन, चन्द्रघण्टा देवीको पूजा आरधना गरिन्छ । देवी चन्द्रघण्टालाई माता पार्वतीको सौन्दर्य अवतार मानिन्छ । चन्द्रघण्टा देवीको शिरमा घण्टा आकारको अर्धचन्द्र रहन्छ । सोहीकारण देवीलाई चन्द्रघण्टा भनिएको मानिन्छ । चन्द्रघण्टा देवीको आराधना गरे शारीरिक र मानसिक कष्टबाट छुटकारा पाउने मान्यता छ ।

नवरात्र अवधिभर पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैटौँ दिन कात्यायनी, सातौँ दिन कालरात्रि, आठौँ दिन महागौरी र नवौँ दिन सिद्धिदात्रीको पूजाआराधना हुन्छ । नवरात्रभर देशका विभिन्न शक्तिपीठमा भक्तजनको घुइँचो लाग्छ ।