काठमाडौं । नेकपा एमालेले आगामी निर्वाचनमा उठ्ने उम्मेदवार छान्ने जिम्मा अध्यक्ष केपी शर्मा ओलीलाई दिएको छ । पार्टी सचिवालय बैठकले आगामी चुनावमा उम्मेदवार चयनको अधिकार अध्यक्ष केपी शर्मा ओलीलाई दिएको हो । ओली निवास बालकोटमा बिहीबार मध्यरातसम्म चलेको बैठकले सम्बन्धित कमिटी र नेताहरुसँग आवश्यक परामर्श लिएर उम्मेदवार चयन गर्ने निर्णय गरेको हो । मध्यरात ६ घण्टा बढी बैठक चलेको थियो ।
बैठकमा उम्मेदवारबारे ठोस निर्णय भने भएन । अन्य दलसँग तालमेलको कुरा टुंगिन समेत बाँकी रहेकाले थप छलफल गर्नु पर्ने एमालेको निष्कर्ष छ । एमालेमा जिल्ला र प्रदेशबाट ५६ प्रतिनिधिसभा सदस्य निर्वाचन क्षेत्रको उम्मेदवारमा एकल सिफारिस भएको छ । बाँकी निर्वाचन क्षेत्रमा एक भन्दा बढी आकांक्षीको नाम आएका कारण उनीहरुबाट उम्मेदवार छान्नु पनेर्
छ ।