काठमाडौं । राष्ट्रिय प्रजातन्त्र पार्टी (राप्रपा)ले काठमाडौंका दसवटै निर्वाचन क्षेत्रमा आफ्नो उम्मेदवार टुंगो लगाएको छ । एमालेसँग तीन निर्वाचन क्षेत्रबाहेक अन्यमा सहमति जुट्न सकेको छैन । सोहीकारण राप्रपाले काठमाडौंको प्रतिनिधिसभा तथा प्रदेशसभातर्फ उम्मेदवार तय गरेको हो ।
प्रतिनिधिसभाको काठमाडौं १ बाट राप्रपाले रवीन्द्र मिश्रलाई उम्मेदवार बनाउने भएको छ । २ मा नवराज सिंखडा, ३ मा गणेश गिरी, ४ मा ठाकुरमोहन श्रेष्ठ, ५ मा रामप्रसाद उप्रेती, ६ मा विष्णुप्रसाद शर्मा, ७ मा ध्रुवविक्रम मल्ल, ८ मा प्रकाश रिमाल, ९ मा देवेन्द्र प्रधान र १० मा बलराम थापालाई उम्मेदवार बनाउने निर्णय गरेको छ ।