काठमाडौं । मोडल तथा भिजे ओसिन सिटौला नेपाली कांग्रेसका महामन्त्री गगन थापाको प्रस्तावक बनेकी छन् । आइतबार प्रतिनिधिसभा सदस्य निर्वाचनका लागि काठमाडौं क्षेत्र नम्बर ४ बाट मनोनयन गर्दा गराएका थापाको उनी प्रस्तावक बनेकी हुन् । ओसिन काठमाडौंको बुढानीलकण्ठ नगरपालिका ९ की मतदाता हुन् । काठमाडौं महानगरपालिका वडा नम्बर ३० का अध्यक्ष दलबहादुर कार्की थापाको समर्थक बने ।
गगन थापाले यस निर्वाचन क्षेत्रमा अर्थविद् स्वर्णिम वाग्लेलाई उठाउन चाहेका थिए । त्यसको साटो उनी अन्य निर्वाचन क्षेत्रमा जान तयार समेत बनेका थिए । तर, संस्थापन पक्षले स्वीकार नगरेपछि काठमाडौं ४ मा गगन नै निरन्तर उम्मेदवार बनेका हुन् ।