काठमाडौं । सत्ता गठबन्धनका शीर्ष नेताहरूले आज काठमाडौंमा कार्यकर्तालाई चुनावी रणनीतिबारे संयुक्त प्रशिक्षण दिँदै छन् । काँडाघारीस्थित शुभश्री पार्टी प्यालेसमा दिउँसो १ बजे संयुक्त प्रशिक्षण कार्यक्रम छ। उक्त कार्यक्रममा प्रधानमन्त्रीसमेत रहेका नेपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड, नेकपा एकीकृत समाजवादीका अध्यक्ष माधवकुमार नेपाल र कांग्रेस नेता प्रकाशमान सिंहलगायतले प्रशिक्षण दिनेछन्।
कार्यक्रममा सत्ता गठबन्धनमा रहेका सबै दलका नेता तथा कार्यकर्ता सहभागी हुनेछन्। सत्ता गठबन्धनका शीर्ष नेताले संयुक्त रूपमा प्रशिक्षण दिने कार्यक्रम तय भएको छ । यससँगै सबै प्रदेशमा सोही मोडलको प्रशिक्षण सञ्चालन गरिने भएको छ ।